Bolunga kisi din. Khud ko.


Kuch yaadon ko jeb me rakh kar bhul gaya tha uss raat. Neend nahi aarahi thi par sone ka man tha. Mummy papa doosre room me so rahe the. Har raat ki tarah AC ko automatic mode par kar takiye pe sar rakh diya mene. Kuch ajeeb si baat thi uss raat me. Na jaane kya thi. Jeb me se earphones nikaalke kaano me laga liye. Volume full pe karke aankhein moond li. Bina gaano ke shor ke aakhri baar kab soya tha, yaad nahi mujhe.

Raat ke kareeb do baje hoge. Meri aankh achanak khul gayi. Kuch soch raha tha me. Dhundli si yaadein thi. Earphones side me gire the. Kuch suni suni aawazon ka shor tha kaano me. Kahi to suni thi, kaha suni thi..yahi sochta sochta fir se so gaya. Ek ghante baad fir aankh khul gayi. Fir wahi aawazein. Fir wahi dhoondli tasveerein. Fir wahi khoyi si yaadein. Iss baar aankh puri khul gayi thi. Khud ko behkaane ke liye phone check karne laga. Insaan bhi ajeeb hai, kabhi kabhi khud ko hi behkaana padta hai. Phone par Raksha Bandhan ka reminder aa raha tha. Pichle rakshabandhan yaad karne laga. Behen ne do saal pehle rakhi baandhi thi. Mene gift me 100 rupey diye the papa se leke. Usi me khush thi wo. Naadan jo thi. Chocolate pasand nahi thi use, kitaab padh nahi paati thi, deta bhi to kya aakhir. Khud ko hi console karne laga. Aansu nikal pade the. But fir sone ki koshish karne laga. Iss baar neend maano bicchad si gayi thi. Kuch aur sochne laga. Par dimaag uss Raksha Bandhan se aage badhne ko raazi hi nahi. Iss baar wale rakshabandhan me kuch khaas nahi tha. Pichli baar jaise hi. Subah uthke class jaana tha. Na hi kisise rakhi bandhwani thi na hi kisiko gift dena tha. Chaar baj gaye the. Ab sone ka man nahi tha but fir bhi koshish karne laga.

Shayad earphone ke saath yaadein nikal aayi thi jeb se. Agli baar sambhal ke rakhunga. Kahi kisi kone me. Jaha se kabhi nikal na paaye wo. Bahut kuch bolne ka man karta hai but sab saala andar hi rakha hai. Bolunga kisi din. Khud ko.

Advertisements

3 thoughts on “Bolunga kisi din. Khud ko.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s