Kitne Bade ho gaye hai hum!


Aaj apne room ki khidki par baitha jab baarish ko dekh raha tha tab ek ajeeb sa ehsaas hua Kitne bade ho gaye hai hum.

Wo hume sulaane ke liye ma ki lori, 95 FM ke tez angrezi gaano me kahi kho si gayi hai. Kabhi kabhi ubhar ke aati bhi hai par hum channel badal ke ansuna sa kar dete hai. Wo chote bhai behno ke sath khelne ka man na jane ab aur kyu nahi karta. Meri behen kehti rehti hai aksar mujhe, chalo na badminton khelte hai, par me apne online game ke bandook ki goliyaan chalaate hue aksar ye baat ansuni kar diya karta hu. Wo ek ajeeb sa chehra bana ke phir mummy ke paas chali jaati hai. Sochta hu kabhi ki aaj khelunga uske sath but naya round shuru hote hi phir wahi goliyaan, phir wahi game!

Kal hi ki to baat hai, papa ne kaha tha ki aaj hum sab kahi ghumne chalenge, bahut din ho gaye hai ek sath waqt bitaaye. Mene turant hi ek project ka bahana deke college jaana zaroori bata diya. Aur college gaya bhi. Sutee funke, girlfriend se mila, canteen me juniors ka mazak udaya, ek do lecture bhi lagaye aur raat ko khaana khake ghar aa gaya. Wo teeno wahi baithe the, us puraane sofe pe, kaun banega crorepati aa raha tha, ek ajeeb sa chehra bana tha sabka. Maano apnapan kahi kho gaya hai. Bavjood iske meri ma ne pyar se bola ki khaana bana rakha hai. Mene rukhepan se kah diya ki aaj khaake aaya hu. Gussa ho gayi thi meri ma, but wo gusse ka ghoont na jaane kyu unhone pee liya. Mujhe yaad nahi ki kab aakhri baar mene apna gussa roka tha. Unhone dheere se phir kaha ki tera favourite paneer banaya hai aaj. Mene phir se na jaane kyu ansuna sa kar diya un lafzon ko, shayad nashe me tha isliye, ya kuch aur baat thi, na jaane kya thi.

Me aake apne room ki khidki pe baith gaya. Baarish ho rahi hai baahar. Soch raha hu na jaane ye family ke saath ghoomne ka plan kab banega waapas. Kab ghar jaldi aake waqt bitaunga, aur raat me sabke saath baith ke khaana khaunga. Inhi kuch soch’on me dooba tha, tabhi phone baja mera “Wouldn’t it be nice if we were older”, dost the mere, peene ka plan tha aaj, mene phone kaat diya aur socha “Wouldn’t it be nice if were younger”.

Zindagi me zindagi ulajh si gayi hai. Na jaane kab suljhegi. Suljhegi bhi ya nahi. Me chalta hu ab. Dost aa gaye hai. Peeni hai.

Waakai, Kitne bade ho gaye hai hum.

Protected by Copyscape Plagiarism Checker – Do not copy content from this page.

Advertisements

One thought on “Kitne Bade ho gaye hai hum!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s